കേരളം ലോകത്തിലെ ഏറ്റവും സാക്ഷരതയുള്ള സമൂഹങ്ങളിൽ ഒന്നാണ്. ആ സാക്ഷരതയിൽ നമ്മൾ ആത്മാഭിമാനം കൊള്ളാറുമുണ്ട്. എന്നാൽ ആത്യന്തികമായി രാഷ്ട്ര നിർമ്മാണത്തിൽ നമ്മുടെ സംഭാവന ഒരു വ്യക്തി എന്ന നിലയിൽ എന്താണ്‌? എന്ന ചോദ്യത്തിനു ഉത്തരം കണ്ടെത്തുക എന്നതാണ്‌ ഈ സ്വതന്ത്ര സംഘടനകൊണ്ട് ഉദ്ദേശിക്കുന്നത്.  പരാതികളും പ്രശ്നങ്ങളുമില്ലാത്ത ഒരു ക്ഷേമരാഷ്ട്രം ഒരു ദിവസം കൊണ്ട് സൃഷ്ടിച്ചെടുക്കാൻ ഒരാൾക്കും കഴിയില്ല. പക്ഷെ ചോദ്യങ്ങൾ ചോദിച്ചുകൊണ്ടിരിക്കുന്ന ഒരു ജനാധിപത്യ സംവിധാനത്തിന്‌ ഒരു ദിവസം ഒരു സമത്വസുന്ദര രാഷ്ട്രം സൃഷ്ടിക്കുവാൻ കഴിഞ്ഞേക്കും. പരാതികളും പ്രശ്നങ്ങളും ഒറ്റയടിക്ക് പരിഹരിക്കുക എന്നതല്ല, മറിച്ച് അവ പരിഹരിക്കുവാനുള്ള ആദ്യ പടി ആ പരാതിയുടെ/പ്രശ്നത്തിന്റെ നിജസ്ഥിതി എന്താണെന്ന് മനസിലാക്കുകയാണ്‌. അത് മനസിലാക്കാനുള്ള ഒരു ചെറിയ കൂട്ടം ആളുകളുടെ വോളന്ററി സപ്പോർട്ട്, അതാണ്‌ ആർ.ടി.ഐ 10000 ആർ ടി ഐ ഫൗണ്ടേഷൻ കൊണ്ട് ഉദ്ദേശിക്കുന്നത്.